"მანჩესტერ იუნაიტედის" განაპირა მცველს მატეო დარმიანს, კლუბთან კონტრაქტი 1 წლის შემდეგ ეწურება, ამიტომ "იუნაიტედის" ბოსები მისი მიმდინარე სატრანსფერო ფანჯარაზე გასხვისებით უკმაყოფილონი არ იქნებიან და ეცდებიან, მის სანაცვლოდ 15 მილიონი ფუნტი მიიღონ.

The Sun-ი იუწყება, რომ იტალიელი მცველით ტურინის "იუვენტუსია" დაინტერესებული, რომელიც მზადაა იჯარით აიყვანოს ფეხბურთელი.

ამავდროულად, ჟოზე მოურინიო აცხადებს, რომ ის მოხარული იქნება თუ დარმიანი დარჩება და ძირითად შემადგენლობაში ადგილის მოსაპოვებლად იბრძოლებს.

თუმცა, გუნდში დიოგო დალოს მოსვლის შემდეგ, სავარაუდოდ, დარმიანს თავის გამოჩენის შანსი ნაკლებად მიეცემა.