"მანჩესტერ იუნაიტედის" მთავარმა დამრიგებელმა ჟოზე მოურინიომ, საკუთარი გუნდის ნახევარმცველი პოლ პოგბას თამაში შეაფასა, რომელმაც, მიმდინარე მსოფლიო ჩემპიონატზე ფინალში გასვლა, კარგი ასპარეზობის ხარჯზე შეძლო.
სანკტ - პეტერბურგში გამართულ ნახევარფინალურ მატჩში, სადაც ფრანგები რომელუ ლუკაკუს ბელგიას დაუპირისპირდნენ, გამარჯვება წილად პოლ პოგბას საფრანგეთს ხვდა. დეშამის შეგირდებმა მინიმალური ანგარიშით 1-0 იმარჯვეს. მატჩი სრულად ჩაატარა "მამლების" ერთ - ერთ ლიდერმა პოლ პოგბამ.
რუსეთში მიმდინარე მუნდიალზე, პოლ პოგბამ შეძლო და ყველა ის უარყოფითი მითქმა-მოთქმა მის შესახებ უკან მოიტოვა, რის შემდეგაც ფრანგი ამ დრომდე კარგა ასპარეზობს ტურნირზე. ამისდა გამო ჟოზე მოურინიო ძალიან მოხარულია.
"ვფიქრობ, პოლ პოგბამ ძალიან კარგად ითამაშა. პოგბამ აჩვენა, რომ ის მოწიფული ფეხბურთელია. მიმზიდვლად თამაშობს, და როდესაც საჭიროა ბურთის დამაჯერებლად ფლობა საკუთარ სათამაშო პოზიციებზე - ის ამას ძალიან კარგად ახერხებს.
საფრანგეთი ძალიან კარგად გამოიყურება საბაზისო სქემებით, ისინი კომპაქტურები არიან და ამასთანავე ძალიან კარგად იცავენ თავს". - განაცხადა RT - ის ჟურნალისტებისთვის მიცემულ ინტერვიუში მოურინიომ.