სიაში მოცემულია ფეხბურთელები რომელთა ინგლისის დატოვების შანსი ყველაზე დიდია



#5 ტიბო კურტუა



მსოფლიოს ერთ-ერთმა უძლიერესმა კიპერმა გასულ სეზონში "პრემიერ ლიგის" ეგიდით 35 მატჩი ჩაატარა და 15 ჯერ კარი მშრალად შეინახა. ჰქონდა ასევე 76 სეივი და "ლურჯების" მაისურით მთელი სეზონი კარგად გამოიყურებოდა.

კურტუას მადრიდის "რეალს" დიდი ხანია უკავშირებენ, ისინი დე ხეასთან ერთად მისითაც ინტერესდებიან, თუმცა კლუბების პოზიციიდან გამომდინარე მათ კურტუას გაფორმების შანსი უფრო აქვთ.

#4 კრისტიან ერიქსენი



დანიელი როგორც საკლუბო, ასევე სანაკრებო დონეზე გამორჩეულად ასპარეზობდა. ძალიან წარმატებული სეზონი ჰქონდა "პრემიერ ლიგაშიც", 37 ჩატარებულ შეხვედრაში 11 ასისტი მიითვალა.

მას "ბარსელონაში" გადასვლას უწინასწარმეტყველებენ, რამდენიმე წყაროს ცნობით კრისტიანი ლიონელ მესის სურს, მას შემდეგ რაც გრიზმანმა კატალონიაში გადაბარგებაზე უარი განაცხადა. ჩანს რომ მალე დანიელი ნახევარმცველი "ლა ლიგაში" გამოცდის ძალებს.

#3 ვილიანი



ვილიანს შუძლია ვინგერად და შემტევ ნახევარმცველად თამაში. 2015-16 წლების სეზონში "ჩელსის" საუკეთესო მოთამაშის წოდებაც მიიღო.

გასულ სეზონში ინგლისის შიდა ჩემპიონატში 6 გოლი და 8 საგოლე გადაცემა ჰქონდა. ის "მანჩესტერ იუნაიტედის" და კატალონიის "ბარსელონას" ერთ-ერთი მთავარი სამიზნეა.

კონტესთან უთანხმოების გამო მისი რომელიმე ამ კლუბში გადასვლის შანსი დიდია, მაგრამ ის მაინც ინგლისში დარჩება თუ "იუნაიტედს" აირჩევს.

#2 პოლ პოგბა



"ეშმაკების" ვარსკვლავს გასულ სეზონში 27 მატჩში 6 გოლი და 10 საგოლე გადაცემა ჰქონდა მხოლოდ "პრემიერ ლიგაში". ამის მიუხედავად "იუნაიტედის" ზოგიერთი ფანი ფრანგით არც ისე კმაყოფილი იყო.

მოურინიოს და პოლს შორის ურთიერთობა ბოლო დროს გამწვავდა, წყაროების მიხედვით "ბარსელონას" ნებისმიერ ფასად სურს პოგბას შეძენა. ასე რომ არაა გამორიცხული ფრანგი "ოცნებების თეატრიდან" "ნოუ კამპზე" აღმოჩნდეს.

#1 ედენ აზარი



ბრწყინვალედ ჩატარებული მუნდიალის შემდეგ ედენმა ორი გრანდის ყურადღებას მიიპყრო განსაკუთრებით, ესენია გიგანტები ესპანეთიდან: "რეალი" და "ბარსელონა".

კატალონიელთა წარმომადგენლები უკვე ესაუბრნენ აზარისას, როგორც ჩანს ბელგიელი ფიქრობს რომ ინგლისის დასატოვებლად ზუსტი დროა.

"რეალი" კიდევ უფრო მონდომებით ცდილობს მის შეძენას, მითუმეტეს მას შემდეგ რაც კრიშტიანუ რონალდუ დაკარგეს. დიდი ალბათობით აზარი მალე "ლა ლიგას" შეუერთდება.