ქვევით ჩამოთვლილია სამი სავარაუდო "იუნაიტედის" ტრანსფერი, რომლებიც კლუბს მნიშვნელოვნად გააძლიერებენ
#1 ალექს სანდრო
ეშლი იანგი უკვე 34 წლისაა, მოურინიო კი სულაც არ ჩანს დაინტერესებული ლუკ შოუსთვის სათამაშო დროის მიცემით. დიდი ალბათობით პორტუგალიელი სპეციალისტი კლუბში ალექს სანდროს მოიწვევს. მასში დაახლოებით €50 მილიონის გადახდა მოუწევთ.
ბრაზილიელი ცნობილია კარგი ფიზიკური მონაცემებით. ის ასევე კარგი გამრღვევია და ლუკაკუს კარგად შეეწყობა. გარდა ამისა მას დაცვაში შესანიშნავად შეუძლია მუშაობა, რაც მოურინიოსთვის კიდევ უფრო სასურველს ხდის.
#2 ტობი ალდერვეირელდი
"იუნაიტედის" იდეაში ტოპ-კლასის დაცვაში ერიკ ბაილი ნაკლებად ჯდება, თუმცა შეიძლება ასეთი კაცი ტობი ალდერვეირელდი იყოს. ის ფაქტი, რომ ტობიმ წელს უარი თქვა კონტრაქტის "მამლებთან" გახანგრძლივებაზე და მაურისიო პოჩეტინოც ძირითადში საკმაოდ იშვიათად აყენებს, საშუელებას გვაძლევს თამამად ვთქვათ რომ ბელგიელს ნათელი მომავალი ამჟამინდელ კლუბში ნამდვილად არ აქვს.
ტობი მოედანზე აბსოლუტური მებრძოლია, მისი ლიდერის თვისებები "მანიუს" გასახდელს კარგად გამოადგება.
ძლიერი მცველია და უკვე სავსებით "პრემიერ ლიგის" მოთამაშედაა ჩამოყალიბებული.
მისი შეძენა "იუნაიტედს" დაახლოებით €40 მილიონ ფუნტამდე დაუჯდება
#3 სერგეი მილინკოვიჩ-სავიჩი
ვიცით რომ "ოლდ ტრაფორდელთა" რიგებს შეემატა ფრედი, მაგრამ წარმოიდგინეთ რა ცვლილებას შეიტანს კლუბში უნიჭიერესი სერბი. სავიჩს დაუჯერებელი სეზონი ჰქონდა "ლაციოში" და 13 გოლთან ერთად 9 საგოლე გადაცემაც შეასრულა.
სავიჩი არის ნახევარმცველი იდეალური გამძლეობით, ტანმაღალია და მაღალ ბურთებზე კარგად შეუძლია ბრძოლა. შეუძლია აბსოლუტურად განსხვავებული საქმეების შესრულებაც, როგორც პასის ჩაჭრა და შეტევის დაწყება, ასევე გოლის გატანა.
სერბი 23 წლისაა და მომავალში სულ უფრო უკეთესი გახდება. "ეშმაკებს" მხოლოდ €100 მილიონის ირგვლივ მოუწევთ შეთავაზების გაკეთება.