"იუნაიტედი" იერი მინას წითელ მაისურში ხილვით დაინტერესებულია. კოლუმბიელი ძალიან ნიჭიერია და "ბარსელონაში" მას სათამაშო დრო სჭირდება. "მანკუნიანელებს" დაცვის ცენტრალურ ხაზში პრობლემები აქვთ და ამიტომ მინას ტრანსფერი საკმაოდ რეალური ჩანს.
იერიმ მუნდიალზე შესაშურად იასპარეზა და 3 გოლიც გაიტანა. თუმცა მისი ნაკრები ინგლისის ნაკრებთან გამოეთიშა მსოფლიოს, ასე რომ მომავალზე დასაფიქრებლად ახლა საკმარისზე მეტი დრო აქვს.
გასულ ზამთარში მან დატოვა "პალმეირასი" და შეუერთდა კატალონიელებს, მაგრამ მას შემდეგ მან მხოლოდ ექვსი მატჩი ჩაატარა. ეს საშინელი შედეგია მინასთვის, მას უფრო მეტი დრო ესაჭიროება რომ უმაღლესი დონის მცველი გახდეს. 23 წლის ფეხბურთელის გაფორმება "ლივერპულსაც" უნდა, დიდი ალბათობით მისთვის ბრძოლა იქნება.
შეგახსენებთ, რომ მინას "ბარსელონასთან" კონტრაქტი 2023 წლამდე აქვს და გამოსასყიდი მხოლოდ €10 მილიონია.