კოსტასი ტოპ-კლასის ცენტრალური მცველია, რაც აშკარად გვაჩვენა ჩემპიონთა ლიგის მეოთხედფინალში, სადაც მან არაჩვეულებრივად იასპარეზა და კატალონიური გრანდი სწორედ მისმა გოლმა გამოთიშა ლიგიდან.

"ჯალოროსოში" ჩატარებულმა შესანიშნავმა სეზონმა მისადმი "პრემიერ ლიგის" გიგანტების დაინტერესება გამოიწვია. "წითელი ეშმაკუნები" განსაკუთრებით აქტიურად უკავშირდებოდნენ მანოლასს, არავისთვისაა საიდუმლო, რომ ინგლისის ყველაზე ტიტულოვანი კლუბი დაცვის გაძლიერებას ცდილობს.

"ბუნებრივი და ყველა ფეხბურთელის ოცნებაა ისეთ დიდ კლუბებში თამაში, როგორიცაა "ბარსელონა" "მანჩესტერ იუნაიტედი" "პსჟ" და მიუნხენის "ბაიერნი"- განუცხადა კოსტასმა Greek Outlet Sport 24-ს, როცა მათ კითხვა დაუსვეს მისი მომავალი ნაბიჯების შესახებ კარიერაში.

"ვფიქრობ, შემიძლია ნებისმიერ გრანდში წავიდე, კატალონიაშიც კი, მიუხედავად იმისა რომ "ბარსელონასთან" არასოდეს მქონია მოლაპარაკება".

ჩანს, რომბერძენი მცველი, რომელიც ამ ზაფხულს საკმაოდ აქტიურად "ჩელსის" უკავშირდებოდა, არც რომში ცხოვრების გაგრძელებაზე დარჩება უკმაყოფილო.

წყარო:Eplscouts.com