მიმდინარე ზაფხულის სატრანსფერო ფანჯარაზე "იუვენტუსის" განაპირა მარცხენა მცველის ალექს სანდროს სახელი "მანჩესტერ იუნაიტედს" ბევრჯერ დაუკავშირეს. ერთბაშად რამდენიმე გამოცემა იუწყება იმის შესახებ, რომ ინგლისურმა გრანდმა ბრაზილიელ მცველთან პირადი კონტრაქტის დეტალები უკვე შეათანხმა.
დანქან ქასთლესი, რომელიც ბრიტანული ფეხბურთის ერთ-ერთი მთავარი ინსაიდერია აცხადებს, რომ "მანჩესტერ იუნაიტედი" ძალიან ახლოსაა ალექს სანდროს შეძენასთან. ინგლისელებმა ბრაზილიელთან პირადი კონტრაქტის დეტალები შეათანხმეს, რომლის თანახმადაც ალექს სანდრო წელიწადში 5 მილიონს მიიღებს. ტრანსფერის განხორციელებას "იუვენტუსის" თანხმობა სჭირდება, იტალიელებს ბრაზილიელში 50-60 მილიონის მიღება სურთ. ჟურნალისტის მოსაზრებით მიუხედავად ამ ფასისა ტრანსფერის განხორციელების ალბათობა ძალიან მაღალია. აქვეა გასათვალისწინებელი ის ფაქტიც, რომ "ბებერი ქალბატონების" სახელს აქტიურად უკავშირებენ კრიშტიანუ რონალდუს სახელს. პორტუგალიელი სუპერვარსკვლავის შეძენის შემთხვევაში "იუვენტუსს" ნამდვილად დასჭირდება ფეხბურთელის გაშვება. სწორედ ამიტომ ფიქრობენ ჟურნალისტები, რომ ერთ-ერთი ასეთი ფეხბურთელი ალექს სანდროა და "იუვენტუსი" მის გაშვებას მისაღებად ფასად დათანხმდება.
შეგახსენებთ, რომ 27 წლის ბრაზილიელი მცველის ანგარიშზე "იუვენტუსში" გატარებულ 3 სეზონში 12 საგოლე გადაცემაა. საკმაოდ კარგი სეზონის მიუხედავად ალექს სანდრო ბრაზილიის ეროვნული ნაკრების შემადგენლობაში ვერ მოხვდა და მუნდიალს მიღმა დარჩა.