რუსეთის ნაკრების წინააღმდეგ განცდილი სენსაციური მარცხის შემდეგ, მსოფლიო საფეხბურთო ზეიმი კიდევ ერთ ფავორიტმა, ფერნანდო იეროს ესპანეთის ნაკრებმა დატოვა. ესპანელებმა თერთმეტმეტრიანების სერიაში, ვერ შეძლეს მასპინძელი ქვეყნის დამარცხება და გამომდინარე აქედან, დე ხეა მაქსიმალურად შეეცდება შვებულებაში ამ კოშმარული დღის დავიწყებას.

უნდა აღინიშნოს, რომ უდავოდ მსოფლიოს ერთ - ერთ საუკეთესო კიპერმა, რუსეთში მიმდინარე 2018 წლის მსოფლიო ჩემპიონატზე თავის წარმოჩენა ნამდვილად ვერ შეძლო, ამაზე სტატისტიკაც მეტყველებს: დე ხეამ საერთო ჯამში მის კარში განხორციელებული 11 დარტყმიდან მხოლოდ 1 - ის მოგერიება შეძლო. (როგორც ჩანს წყარო თერთმეტმეტრიანების სერიაში გაშვებულ გოლებსაც ითვლის).

ესპანურ პრესამ და გულშემატკივარმა, "მანჩესტერ იუნაიტედის" გასული სზეონის საუკეთესო მოთამაშე კრიტიკის ქარცეცხლში გაატარეს და ნაწილობრივ ესპანეთის წარუმატებელი გამოსვლა დე ხეასაც მიაწერეს. თუმცა გულშემატკივრებს შორის მხარდამჭერებიც მრავლად არიან, ერთ ერთი ასეთი მხარდამჭერი კი არგენტინის ლეგენდა დიგეო არამანდო მარადონაა, რომელმაც განაცხადა, რომ კიპერის წარუმატებელი გამოსვლა ვერ გადაფარავს იმ მიღწევებს რაც მას კლუბში აქვს.

"დიახ, მე მომწონს ეს ბიჭი, მიუხედავად იმისა, რომ მან მიმდინარე მსოფლიოზე გოლები გაუშვა. ჩვენ ყველა ვუშვებთ შეცდომებს, მაგრამ მის ამ შეცდომებს არ შეუძლია დაჩრდილოს ის მიღწევები, რაც მან "მანჩესტერ იუნაიტედში" გადასვლის შემდეგ მოახერხა.

კლუბში ის უბრალოდ შესანიშნავად თამაშობს, სათადარიგო სკამზე დასვა ისეთი მეკარე როგორიც სერხიო რომეროა. მისი ადგილი "მანჩესტერ იუნაიტედის" ძირითად შემადგენლობაში ეჭვს არ იწვევს. ესპანელებს მოთმინება მართებთ". - განაცხადა ლეგენდამ ესპანურ Marca - სთვის მიცემულ ინტერვიუში.

შეგახსენებთ, რომ დე ხეა გახდა რიგით მესამე ფეხბურთელი "იუნაიტედის" შემადგენლობიდან, ვინც მიმდინარე მსოფლიო ჩემპიონატი ნაადრევად დატოვა. აქამდე ტურნირს მარკოს როხო და ნემანია მატიჩი გამოეთიშენ.


წყარო: manutd.ru