სულ რამოდენიმე წუთის წინ, დასრულდა მძიმე მატჩი არგენტინისა და ნიგერიის ეროვნულ ნაკრებებს შორის. სწორედ ამ მატჩში გამარჯვებული მოიპოვებდა ავტომატურად მერვედფინალურ საგზურს ხორვატიასთან ერთად.
ორი უსახური მატჩის შემდეგ, კრიტიკის ქარცეცხლში მყოფმა არგენტინის ნაკრების თავკაცმა ხორხე სამპაოლიმ, შეძლო მესამე მატჩში ოპტიმალური შემადგენლობით, სამი ქულის მოპოვება და შემდეგ ეტაპზე გასვლა. თავის მხრივ მესის გუნდს ხორვატიის ნაკრებიც დაეხმარა, პარალელურ მატჩში, ხორვატებმა ისლანდიის ნაკრები დაამარცხეს, რითაც არგენტინას უბრალო გამარჯვებით გზა გაეხსნა.
აღსანიშნავია ისიც, რომ ისლანდიის ნაკრები გამარჯვების შემთხვევაში 4 ქულას აგროვებდა, რის შემდეგაც არგენტინას მოგების მიუხედავად ბურთების უკეთესი შეფარდებით მაინც უსწრებდა, თუმცა ამის გაკეთება მსოფლიო ჩემპიონატზე დებიუტანტ ნაკრებმა ვერ შეძლო. ხორვატებმა ანგარიშით 1-2 იმარჯვეს.
რაც შეეხება არგენტინას, ანგარიში 14 წუთზე მსოფლიოს ერთ - ერთ საუკეთესო ფეხბურთელმა ლიონელ მესიმ, ევერ ბანეგას შესანიშნავი გადაცემის შესანიშნავად დამუშავებით გახსნა. ამ მსოფლიო ჩემპიონატზე მესიმ თავისი პირველი გოლი სწორედ ამ მატჩში გაიტანა. შემდგომ ამისა პირველი ტაიმი არგენტინელთა დომინირებით დასრულდა.
მეორე ტაიმის საწყისი წუთებს რაც შეეხება, ნიგერიამ თითქოს მოუმატა, თამაშის სადავეები დროებით ხელში ჩაიგდო და პენალიც გამოიმუშავა. 51 წუთზე საჯარიმოში ხავიერ მასკერანო ნიგერიელ ფეხბურთელთან ორთაბრძოლის დროს დაჯარიმდა და თურქ არბიტრმა ჯუნეით ჩაქირიმ უყოყმანოდ თერთმეტმეტრიანის ნიშნულისკენ მიუთითა. პენალი გოლად, ვიქტორ მოსესმა გარდასახა და საკუთარ ნაკრებს მერვედფინალისკენ მნიშვნელოვანი ნაბიჯის გადადგმაში დაეხმარა.
თამაშის მიმდინარეობა ისევ ჩვეულ რითმს დაუბრუნდა, ბურთი კვლავ სამპაოლის შეგირდებს ჰქონდათ, ნებისმიერი შეტევის მცდელობა უშედეგო იყო და ყველაფერი იქითკენ მიმდინარეობდა, რომ თითქოს მესის მუნდიალი უნდა დაეტოვებინა, თუმცა არგენტინელებს მხსნელად, "მანჩესტერ იუნაიტედის" ღირსების დამცველი მარკოს როხო მოევლინათ. ცენტრალურმა მცველმა საჯარიმოში შეღწევა, ხელსაყრელი პოზიციის დაკავება შეძლო და მერკადოს შესანიშნავი გადაცემით, ბურთი ერთი დარტყმით ნიგერიელთა კარის ბადეში გაახვია.
შედეგად, მარკოს როხოს არგენტინა, მერვედფინალურ შეხვედრაში საფრანგეთის ეროვნულ ნაკრებს დაუპირისპირდება. შეხვედრა 30 ივნისს თბილისის დროით 18:00 სთ - ზე აიღებს სტარტს.
ავტორი: Svani
ახალი ამბები
10 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.