იტალიური გრანდი ტურინის "იუვენტუსი" ინგლისური გრანდის "მანჩესტერ იუნაიტედის" ფრანგი შემტევის ანტონიო მარსიალის გადაბირებასთან ძალიან ახლოსაა. იუწყება Paris United.
იტალიელები მოლაპარაკებებს აწარმოებენ გლეიზერების გუნდთან და როგორც ჩანს ეს მოლაპარაკებები წარმატებითაც მიმდინარეობს. "ოლდ ტრაფორდელები" მზად არიან მარსიალი კლუბიდან კოლოსალური თანხის სანაცვლოდ გაუშვან.
რაც შეეხება სატრანსფერო ღირებულებას, ახალგაზრდა ნიჭიერი შემტევის სანაცვლოდ ინგლისელები 85 მილიონ ევროს მიიღებენ.
გამომდინარე იქიდან, რომ ჟოზე მოურინიოს გუნდში და ტაქტიკურ სქემაში მარცხენა ფლანგზე ალექსის სანჩესი დომინირებს, მარსიალის ადგილი ძირითად თერთმეტეულში აღარ რჩება და სწორედ ამიტომ თავად მარსიალსაც სურს კლუბის დატოვება.