ნევილების ახალი მემკვიდრე "მანჩესტერ იუნაიტედის" ღირსებას დაიცავს.
გარი ნევილისა და ფილ ნევილის შემდეგ, "მანჩესტერ იუნაიტედის" აკადემიაში ახალი ნევილი სახელად ჰარვი ნევილი ჩაირიცხა. 16 წლის ბიჭუნამ უკვე გააფორმა კონტრაქტი აკადემიასთან და ოფიციალურად "წითელი ეშმაკი" გახდა.
ჰარვიმ კარიერა "სიტის" აკადემიაში დაიწყო, სადაც 2015 წელს პრემიერ ლიგის საერთაშორისო ტურნირის მოგება შეძლო, შემდგომ ამისა ის ესპანეთში "ვალენსიას" აკადემიაში გადავიდა, ეს მაშინ როდესაც "ღამურების" თავკაცის პოსტს მისი ბიძა გარი ნევილი იკავებდა.
შემდგომ ამისა ჰარვის ოჯახმა ესპანეთი დატოვა, თუმცა მან ესპანური კლუბის აკადემიაში დარჩენა და იქ ვარჯიში გადაწყვიტა. წარმატებული ასაპარეზობით მან ესპანური პრესის ყურადრებაც მიიპყრო და "ახალი ბექჰემიც" უწოდეს, გამომდინარე იქიდან, რომ მის მიერ მარჯვენა ფეხით შესრულებული გადაცემები, ლეგენდარული ბექჰემის მსგავს სტილში კეთდებოდა.
2017 წლის შემოდგომაზე "მანჩესტერ იუნაიტედი" ესპანელებს დაუკავშირდა და აუწყა, რომ ჰარვის საკუთარ კლუბში წაყვანა სურდა, რის შემდეგაც დღესდღეისობით მან კონტრაქტს ხელიც მოაწერა და "წითელი ეშმაკი" ოფიციალურად გახდა.
"ძალიან ვამაყობ და აღფრთოვანებული ვარ იმით, რომ ამ კლუბის ფეხბურთელი გავხდი, ამ კლუბის ღირსების დაცვის სურვილით მთელი ცხოვრება დაავადებული ვარ". - წერს ჰარვი ნევილი საკუთარ ინსტაგრამ გვერდზე.
მოგივანებით საკუთარ ვაჟს ფილ ნევილმაც მიულოცა:
"ვამყობ შენით ჰარვი ნევილ! მიყევი შენ ოცნებებს!" - ემოციურად მიმართა ფილ ნევილმა საკუთარ ვაჟს.
წყარო:
manutd.ru