Manchester Evening News - ის ცნობით, "იუნაიტედი" გუნდის ახლგაზრდა მარცხენა მცველს ლიუკ შოუს ახალ კონტრაქტს შესთავაზებს. შოუს კლუბთან კონტრაქტი 2019 წლის ივნისამდე აკავშირებს, "იუნაიტედს" მარცხენა მცველის კანდიდატურა ჯერ კიდევ არ ჰყავს შერჩეული.
თუ მიმდინარე სატრანსფერო ფანჯარაზე არცერთი ფეხბურთელი არ შეირჩა ამ პოზიციაზე და ლიუკ შოუს დარჩენა მოუწია ეს ნიშნავს იმას, რომ "იუნაიტედს" მომავალ სეზონში შოუს შესაძლო სურვილისამებრ მისი უფასოდ გაშვება მოუწევს.
ცნობილია ასევე ერთი ფაქტიც, თუ შოუ ახალ კონტრაქტზე ხელს მოაწერს ის ძირითადი 11 - ეულის წევრი მაინც არ იქნება. მაშინაც კი თუ "წითელ ეშმაკებმა" ახალი ფეხბურთელის დამატება ვერ შეძლეს, ძირითად ადგილს ეშლი იანგი დაიკავებს.
ბრიტანული პრესის ცნობით, ჟოზე მოურინიო აქტიურად ეძებს მარცხენა მცველს. განიხილებიან შემდეგი კანდიდატურები: "ალექს სანდრო, დენი როუზი, "სელტიკის" ახალგაზრდა მარცხენა მცველი 21 წლის კირან თირნი და "ფულჰემის" ამომავალი ვარსკვლავი რაიან სესენიონი".
აღსანიშნავია ისიც, რომ სოციალურ ქსელში გავრცელდა შოუს ფოტოები სადაც ის იბიცაზე ისვენებს. ფოტოებზე ნათლადაა ასახული შოუს ჭარბწონიანობა მაშინ, როდესაც პრე სეზონის დაწყებამდე მხოლოდ 3 კვირა დარჩა, ფეხბურთელს კი ჭარბი წონის პრობლემა დამატებით თავსატეხს უჩენს.