საუთგეიტის შეგირდები დამაჯერებლად ასპარეზობენ.
რუსეთში მიმდინარე 2018 - წლის მსოფლიო ჩემპიონატმა სტარტი 14 - ივნისს აიღო, ნამდვილი საფეხბურთო ზეიმი ყოველდღიურად მიმდინარეობს და ფეხბურთის გულშემატკივარიც ყოველდღიურად ტკბება სანახაობებით.
რამოდენიმე სიტყვით მოგახსენებთ გარეთ საუთგეიტის ინგლისის ნაკრების დამაჯერებელი სტარტის შესახებ. "სამი ლომის" წარმომადგენლები ამ ეტაპისთვის შესანიშნავად გამოიყურებიან და `G - ჯგუფს ბელგიის ნაკრებთან ერთად 6 ქულით ლიდერობენ.
ინგლისელებმა პირველი შეხვედრა 18 ივნისს თბილისის დროით 22:00 - სთ - ზე ტუნისის ეროვნული ნაკრების წინააღმდეგ ჩაატარეს. მიუხედავად იმისა, რომ ისევე როგორც მთლიან მსოფლიო ჩემპიონატზე ასევე ამ მატჩშიც ბრიტანელები ფავორიტებად ითვლებიან, უნდა აღინიშნოს, რომ ტუნისელებმა მათ დამაჯერებელი გამარჯვების უფლება არ მისცეს და, რომ არა ჰარი კეინის შესანიშნავი თამაში ინგლისი ამ შეხვედრაში მხოლოდ ქულას დასჯერდებოდა.
ანგარიში ჰარიმ შეხვედრის 11 - ე წუთზე გახსნა, რის შემდეგაც ტუნისელთა მე - 13 ნომერმა სასიმ თერთმეტმეტრიანი დარტყმით წონასწორობა 35 - ე წუთზე აღადგინა. გუნდები შესვენებაზე ამ ანგარიშით გავიდნენ. მეორე ტაიმის მიმდინარეობას კი რაც შეეხება, ინგლისელების უპირატესობა აშკარა იყო, თუმცა გოლის გატანას ისინი ვერ ახერხებდნენ. მთავარი მსაჯის მიერ კომპენსირებულ დროში 91 - წუთზე ისევ კეინის მიერ თავური დარტყმით ინგლისმა სამი ქულით დატოვა მოედანი.
რაც შეეხება "წითელ ეშმაკებს" ეშლი იანგსა და ჯესი ლინგარდს, მათ მოედანზე ძირითადი თერთმეტეულიდან დაიწყეს თამაში. იანგმა შეხვედრა სრულყოფილად ჩაატარა. ხოლო ლინგარდი საუთგეიტმა 93 - ე წუთზე დაიერით ჩაანაცვლა. შეხვედრაში მიიღო მონაწილეობა ასევე კიდევ ერთ "მანჩესტერელმა" მარკუს რეშფორდმა, რომელიც მოედანზე 68 - წუთზე რახიმ სტერლინგის ნაცვლად გამოჩნდა.
საერთო ჯამში იყო მცირე ნიუანსები, რომლის აღმოფხვრაც საუთგეიტის ნაკრებს აუცილებლად სჭირდებოდა. როგორც ჩანს გუნდმა ამ ყველაფერზე იმუშავა და გუშინ პანამის ნაკრების წინაარმდეგ გამართულ შეხვედრაში, ნამდვილი "ნისლიანი ალბიონი" სუფევდა მოედანზე. მათ ნამდვილი საფეხბურთო შოუ დადგეს მოედანზე და მოწინააღმდეგეს 6 გოლიც გაუტანეს. შეხვედრაში თავი გამოიჩინა მთავარ დამრტყმელმა ძალამ ჰარი კეინმა, რომელმაც ჰეთ - თრიკი შეასრულა და ბომბარდირთა დავას სათავეში 5 გოლით მოექცა.
ეშლი იანგმა ისევ შეუცვლელად ითამაშა. ჯესი ლინგარდმა კი 36 - ე წუთზე შესანიშნავი გასროლით ინგლისელთა უპირატესობა 3 - ამდე გაზარდა. გოლი მართლაც, რომ ფანტასტიკური გამოვიდა, რაზე მოგვიანებით მთავარ მწვრთნელმაც ისაუბრა. სამწუხაროდ მარკუს რეშფორდს პანამელთა წინააღმდეგ შეხვედრაში მონაწილეობა არ მიუღია.
საბოლოო ჯამში, ინგლისის ნაკრებმა ამ ეტაპისთვის საუკეთესო თამაში აჩვენა და პლეი - ოფის საგზური ოფიციალურად გაინაღდა. გასარკვევი რჩება მხოლოდ ერთი რამ: ვინ გავა ჯგუფიდან პირველი ადგილით, კითხვას პასუხი კი 28 ივნისს გაეცემა. ჯგუფის ლიდერი კიდევ ერთ ფავორიტს ბელგიის ნაკრებს დაუპირისპირდება, შეხვედრა თბილისის დროით 22:00 სთ - ზე აიღებს სტარტს.
ავტორი:
Svani