ბელგიის ნაკრების მთავარი მწვრთნელის რობერტო მარტინესის ცნობით, რომელუ ლუკაკუმ ტუნისის ნაკრების წინაარმდეგ გამართულ შეხვედრაში მცირე ტრავმა მიიღო, რის შედეგადაც შესაძლოა მან ინგლისის წინააღმდეგ შეხვედრა გამოტოვოს.
მოგეხსენებათ "წითელი ეშმაკების" თავდამსხმელმა დღეს ტუნისელების წინააღმდეგ შესანიშნავად იასპარეზა და პირად აქტივს მორიგი დუბლი შემატა. რის შემდეგაც ის მთავარ მწვრთნელმა მოედნიდან 59 წუთზე გაიყვანა, მის ნაცვლად თამაშში მარუან ფელაინი ჩაერთო, ვიზუალურად რომელუს ტრავმის არაფერი ეტყობოდა, თუმცა მარტინესის შემდგომი განცხადების შემდეგ სამწუხარო ცნობა დადასტურდა.
"უნდა შემოწმდეს ჩვენი ეჭვები იმ დაზიანებების შესახებ რაც რომელუ ლუკაკუს, ედენ აზარის და მერტენსის შემთხვევაში მივიღეთ. ჩვენ უკვე გავაღწიეთ ფლეი ოფში, რის შემდეგაც ინგლისის ნაკრების წინააღმდეგ ძირითად შემადგენლობას მნიშვნელოვნად გადავახალისებ". - განაცხადა დასასრულს მარტინესმა.
შეგახსენებთ, რომ ამ დუბლით რომელუ ლუკაკუს მსოფლიო ჩემპიონატზე უკვე 4 გატანილი გოლი დაუგროვდა. ამ შედეგით ის კრიშტიანუ რონალდუსთან ერთად ბომბარდირთა დავას ლიდერობს.