დღეს "მანჩესტერ იუნაიტედმა" ოფიციალურად დაადასტურა კლუბში ბრაზილიელი ნახევარმცველის ფრედის ტრანსფერი. მხარეებმა 5+1 სისტემით გააფორმეს კონტრაქტი რაც გულისხმობს იმას, რომ 5 წლის ამოწურვის შემდეგ "იუნაიტედს" ფრედის დატოვება ავტომატურად კიდევ ერთი წლით შეეძლება.
ბრაზილიელის შესახებ ისაუბრა გუნდის მთავარმა დამრიგებელმა ჟოზე მოურინიომ და ფრედის მიმართ საქებარი სიტყვებიც არ დაიშურა.
"ფრედი ჩვენი ნახევარდაცვის ხაზს მრავალფეროვნებას შემატებს. მას აქვს ის თვისებები რა თვისებების მქონე ფეხბურთელიც გვესაჭიროებოდა. მისი კრეატიული გონება და პასების კულტურა, ჩვენს თამაშს ბევრ დადებით თვისებებს შესძენს.
ძალიან მოხარული ვარ იმით, რომ ის კარიერას "მანჩესტერ იუნაიტედში" გააგრძელებს. მჯერა, რომ ჩემი ფეხბურთელები გაიგებენ თუ რაოდენ მნიშვნელოვანია მისი გამოჩენა და რაოდენ მნიშვნელოვან ელემენტებს შემოიტანს ის ჩვენს თამაშში". - გნაცხადა მოურინიომ.