მოგეხსენებათ, რამოდენიმე კვირის წინ"მანჩესტერ იუნაიტედმა" უკრაინულ "შახტართან" შეთანხმებას მიაღწია და ბრაზილიელი ნახევარმცველი ფრედი მომავალი სეზონიდან "წითელი ეშმაკების" ღირსებას დაიცავს.
დღეს უკვე თავად ფეხბურთელსა და ინგლისურ გრანდს შორის ხელშეკრულება ოფიციალურად გაფორმდა და ფრედმა გლეიზერების გუნდთან 5 წლიან ხელშეკრულებას მოაწერა ხელი.
კონტრაქტი ასევე ითვალისწინებს აღნიშნული ვადის გასვლის შემდეგ, ავტომატურად 1 წლით ვადის გახანგრძლივებას. "შახტარის" ამაჟამად უკვე ექს - ფეხბურთელი, ედ ვუდვორდს 60 - მილიონი ევრო დაუჯდა.
"იუნაიტედმა" საკუთარ იუთუბ გვერდზე ფრედის საპრეზენტაციო ვიდეოც წარადგინა სადაც ბრაზილიელი "წითლების" მაისურით იმყოფება.