უელსის ეროვნული ნაკრების მთავარი მწვრთნელი და ახლო წარსულში "მანჩესტერ იუნაიტედის" დიდებული ფეხბურთელი რაიან გიგზი თვლის, რომ მადრიდის "რეალის" ვარსკვლავი გარეთ ბეილი "წითელი ეშმაკებისთვის" იდეალური შენაძენი იქნება.

თავად ფეხბურთელი, მადრიდის "რეალში" ხულენ ლოპოტეგის მთავარი მწვრთნელის პოსტზე დანიშვნის შემდეგ, დარწმუნებული არ არის, რომ სპეციალისტის გეგმებში შედის, გამომდინარე აქედან შესაძლოა კლუბი დატოვოს, ხოლო სხვადასხვა წამყვანი გამოცემები მას ინგლისურ გრანდს "მანჩესტერ იუნაიტედს" აქტიურად უკავშირებენ.

"ვფიქრობ, რომ გარეთ ბეილი "იუნაიტედისთვის" იდეალური შენაძენი იქნება. გულშემატკივრები მას ძალიან დააფასებენ. უბრალოდ საკითხავია ერთი რამ: წავა ის იმ კლუბიდან სადაც ზედიზედ სამჯერ მოიგო ჩემპიონთა ლიგა? არ ვიცი, თუმცა მისი "მანჩესტერ იუნაიტედში" გადასვლით უაღრესად მოხარული ვიქნები". - განაცხადა დასასრულს "წითელი ეშმაკების" ლეგენდამ.

ბეილი მადრიდის "რეალში" 2013 წელს ლონდონის "ტოტენჰემიდან" 94 მილიონი ევროს სანაცვლოდ გადავიდა.


წყარო: sports.ru