ესპანელი ფეხბურთელი "სანტიაგო ბერნაბეუს" დატოვების წინააღმდეგი არაა.
მადრიდის "რეალის" ახალგაზრდა ნიჭიერი ვარსკვლავი მარკო ასენსიო შესაძლოა გულშემატკივარმა "ოლდ ტრაფორდზე" იხილოს. El Gol Digital - ის ცნობით, თავად ესპანელ ფეხბურთელსაც სურს ზაფხულის მიმდინარე სატრანსფერო ფანჯარაზე "სანტიაგო ბერნაბეუს" დატოვება.
გარდა "მანჩესტერ იუნაიტედისა", ასენსიოს მიმართ ინტერესს ლონდონის "ჩელსი" და ფრანგული გრანდი "პარი სენ ჟერმენიც" გამოხატავენ.
აღსანიშნავია ის ფაქტი, რომ მადრიდელებს ფრანგული გუნდის სუპერვარსკვლავი ნეიმარი სურთ, ხოლო ფრანგების ინტერესი ასენსიოს მიმართ შესაძლოა ნეიმარის ტრანსფერში ხელშემწყობი ფაქტორი არმოჩნდეს.
ნეიმარის ტრანსფერი "რეალში" ნიშნავს იმას, რომ ასენსიო ფაქტიურად დაკარგავს ლოპოტეგის გუნდში ძირითად ადგილს, რომელიც ჯერ კიდევ ზიდანის გუნდში არცკი მოუპოვებია.
ჟოზე მოურინიო "მანჩესტერ იუნაიტედისთვის" შესანიშნავ ინდივიდუალისტ ფეხბურთელს ეძებს რომელიც გუნდისთვის დიდი სარგებლის მომტანი იქნება, მომავალზე გათვლილ ფეხბურთელს, რომელიც "ოლდ ტრაფორდზე" განაგრძობს განვითარებას, სწორედ მარკო ასენსიო იგულისხმება მსგავს ფეხბურთელში.
"პსჟ" არის გუნდი, რომელსაც შეუძლია ფეხბურთელის სანაცვლოდ კოლოსალური თანხა გაიღოს, თუმცა არ დაგვავიწყდეს "ჩელსიც" რომელიც ასენსიოს ირგვლივ მონიტორინგს აქტიურად აწარმოებს.
მარტივად სავარაუდოა, რომ ზაფხულში ლონდონელთა რიგები ედენ აზარმა და ტიბო კურტუამ დატოვონ, ორივე ფეხბურთელი მადრიდულ გრანდს უკავშირდება, ეს კიდევ ერთი მანიშნებელი წყარო იმისა, რომ ფეხბურთელების გაცვლა მარტივად შესაძლებელია.
ფაქტი ერთია, ასენსიოს მეტი სათამაშო დრო სურს. გამორიცხული კი ნამდვილად არ არის, რომ ამომავალ ვარსკვლავმა მიმდინარე სატრანსფერო ფანჯარაზე ფლორენტინო პერესის გუნდი დატოვოს.
წყარო:
Thesun