გუშინ, მსოფლიო ჩემპიონატის ჯგუფურ ეტაპზე თავისი პირველი შეხვედრა ბელგიის ნაკრებმაც ჩაატარა.
"მანჩესტერ იუნაიტედის" ფორვარდმა რომელუ ლუკაკუმ, პანამის ეროვნული ნაკრების წინააღმდეგ გამართულ შეხვედრაში დუბლი შეასრულა და ბელგიის ნაკრების გამარჯვებაში ლომის წილი შეიტანა.
რომელუმ თავი 69 და 75 - წუთებზე გამოიჩინა. აღსანიშნავია ინგლისური გრანდის ცხრიანის შესანიშნავი ასპარეზობა ეროვნულ ნაკრებში. კერძოდ, ლუკაკუს ანგარიშზე ნაკრებში ჩატარებულ ბოლო 10 - შეხვედრაში 15 - გატანილი გოლია.
ფორვარდის სტატისტიკა შეგიძლიათ იხილოთ აქ. მომდევნო შეხვედრას რობერტო მარტინესის გუნდი ტუნისის ნაკრების წინააღმდეგ 23 - ივნისს გამართავს.