მინო რაიოლა მისი კლიენტისა და პარიზელთა ახალი მწვრთნელის ტომას ტუხელის არცთუ მშვიდი საუბრის შემდეგ მარკოს "იუნაიტედს" სთავაზობს.
იტალიელი უდავოდ ძლიერი ნახევარმცველია და მოსალოდნელი იყო რომ მას ტუხელის ფორმაციის გუნდში დიდი მნიშვნელობაც ექნებოდა. სწორედ მისი როლის თაობაზე ფეხბურთელს და მწვრთნელს დისკუსია ჰქონდათ.
გამოცემა Calciomercato-ს თქმით, ეს დისკუსია არც ისე კარგად წარიმართა რაც ვერატიმ მენეჯერისგან დეტალური ინსტრუქციები მიიღო წონაში დაკლების თაობაზე.
ტუხელი ყოველთვის მაქსიმალისტია როცა საქმე ფეხბურთელის წონას და დიეტას ეხება, მას ნამდვილად არ სჯერა რომ 25 წლის იტალიელი კარგ ფიგურაშია. რამაც მინო რაიოლა აიძულა თავისი კლიენტი ევროპული გრანდებისთვის შეეთავაზებინა. "იუნაიტედიც" მათ შორის მოხვდა.
"ბარსელონამ" უკვე უარი განაცხადა. "იუვენტუსი" და "რეალი" კი არ არიან მზად ტრანსფერისთვის. სამაგიეროდ "ოლდ ტრაფორდზე" ამ შეთავაზებას განიხილავენ. ჟოზე მოურინიოს კარგი ურთიერთობა აქვს რაიოლასთან, სწორედ მისი დახმარებით მოვიდნენ გუნდში პოლ პოგბა და რომელუ ლუკაკუ.