2018 წლის მსოფლიო ჩემპიონატის პირველ ტურში, სადაც ერთმანეთს ესპანეთისა და პორტუგალიის ეროვნული ნაკრებები უპირისპირდებოდნენ, დავიდ დე ხეამ თავის კარში 3 ბურთი მიიღო. კრიშტიანუ რონალდუს მეორე გოლი ესპანელთა კარის დარაჯისთვის არადამახასიათებელ შეცდომას მოჰყვა, რამაც გულშემატკივართა უკმაყოფილება გამოიწვია.

ესპანურმა გამოცემა AS-მა ონლაინ რეჟიმში მომხმარებლები გამოკითხა. გულშემატკივარს უნდა აერჩია ესპანეთის ეროვნული ნაკრების ძირითადი მეკარე ჯგუფური ეტაპის მეორე ტურში, ირანის ნაკრებთან მატჩისთვის.

გამოკითხულთა 50%-მა ხმა კეპა არისაბალაგას სასარგებლოდ დააფიქსირა. ხმათა 12% პეპე რეინამ მიიღო. "იუნაიტედის" მეკარე დავიდ დე ხეას პორტუგალიასთან თამაშის მერე გულშემატკივრების მხოლოდ 33% უჭერს მხარს.