მიმდინარე სატრანსფერო ფანჯარაზე, ტურინის "იუვენტუსმა" და ინგლისურმა გრანდმა "მანჩესტერ იუნაიტედმა" შესაძლოა ფეხბურთელები გაცვალონ.
საქმე ეხება ორ ფეხბურთელს რომელიც სავარაუდოდ საპირისპირო კლუბების მაისურს მოირგებენ. - იუწყება - Sky Sport Italia.
არახალია ის ცნობა, რომ "ბებერ ქალბატონს" ჟოზე მოურინიოს გუნდის მცველი მატეო დარმიანი სურს.
გამომდინარე იქიდან, რომ მასიმილიანო ალეგრის გეგმებში ფლანგის მცველები სტეფან ლიხშტაინერი და კვადმო ასამოა აღარ შედიან, შესაძლოა ორივე ფეხბურთელმა დატოვოს იტალიური გრანდი. სწორედ დარმიანის მეშვეობით სურთ მათ ამ ფეხბურთელების ჩანაცვლება.
რაც შეეხება, "ოლდ ტრაფორდელების" სურვილს, მათ ტურინელების ხორვატი ცენტრ - ფორვარდი მარიო მანჯუკიჩი სურთ. სწორედ დარმიანსა და მარიო მანჯუკიჩის შესაძლო გაცვლა იგეგმება უახლოეს მომავალში.