ესპანეთის ეროვნული ნაკრებისა და "მანჩესტერ იუნაიტედის" დიდებული კიპერი დავიდ დე ხეა ახლოსაა კლუბში ახალი კონტრაქტის გაფორმებასთან.

Independent - ის ცნობით, 27 - წლის მეკარის წარმომადგენლებისა და "წითელი ეშმაკების" მოლაპარაკებები ახლი გაუმჯობესებული კონტრაქტის თაობაზე, ფინალურ სტადიაზეა და ხელშეკრულებას ხელი მსოფლიო ჩემპიონატის დასრულების შემდეგ მოეწერება.

კონტრაქტის ახალი პირობებით, "ოლდ ტრაფორდელები" მსოფლიოს ერთ - ერთი საუკეთესო მეკარის შენარჩუნებას 2023 - წლამდე გეგმავენ. სწორედ ამ რიცხვით თარიღდება ახალი ხელშეკრულების ვადა.

სერ ალექს ფერგიუსონის მიერ 2011 - წელს მოყვანილი და დღეს უკვე დიდებულ მეკარედ ქცეული დავიდ დე ხეა, დიდი ხნის განმავლობაში იმყოფება მადრიდის "რეალის" პრეზიდენტ ფლორენტინო პერესის ინტერესთა სფეროში, თუმცა როგორც ირკვევა მისი სურვილი სურვილად რჩება და დე ხეა ინგლისში კიდევ დიდი ხნის განმავლობაში დარჩება.


წყარო: euro-football.ru