"მანჩესტერ იუნაიტედის" მთავარ მწვრთნელმა ჟოზე მოურინიომ, პორტუგალიის ნაკრებთან არადამაჯერებელი თამაშის შემდეგ, დავიდ დე ხეა დაიცვა და მას მხარდაჭერა გამოუცხადა.
შეგახსენებთ, რომ გუშინ ესპანეთის ნაკრებსა და პორტუგალიას შორის გამართულ შეხვედრაში, დე ხეამ ერთი უპატიებელი შეცდომა დაუშვა რის შედეგადაც შეხვედრა 3-3 დასრულდა და მისი ნაკრები ქულას დაჯერდა.
"ეს ჩემი ბიჭია! ჩემთვის მტკივნეულია ამაზე საუბარი თუმცა მანაც იცის, რომ ძალიან უხეში შეცდომა დაუშვა. ეს იყო ის შეცომა რომელსაც ჩვენთან "მანჩესტერ იუნაიტედში" დე ხეა არ დაუშვებს, კლუბში სადაც ის სეზონის საუკეთესო ფეხბურთელი გახდა და ჩაატარა ბევრი შესანიშნავი მატჩი. ასეთი შეცდომები საუკეთესოებსაც მოსდით.
მომდევნო შეხვედრაში მას ისევ ვიხილავთ მოედანზე, თავდაჯერებულს, უშიშარს და ის მზად იქნება საკუთარ გუნდს მაქსიმალურად დაეხმაროს. კარებში დევიდის სახეს კვლავ ვიხილავთ".
ჟოზემ ასევე ისაუბრა პორტუგალიის ეროვნული ნაკრების ლიდერზე კრიშტიანუ რონალდუზე: "არსებობენ მოთამაშეები გარკვეული მატჩებისთვის, არიან მოთამაშეები ასევე ყოველდღიური მატჩებისთვის და განსაკუთრებული შეხვედრებისთვის. განსაკუთრებული მატჩებისთვის ფეხბურთელი სწორედ ასეთი უნდა იყოს". - განაცხადა დასასრულს "განსაკუთრებულმა" რუსულ ტელეარხ Russia Today - ისთვის მიცემულ ინტერვიუში.