მუხლზე გადატანილი დაზიანების შემდეგ, მარკუს რეშფორდი მზადყოფნაშია და ეროვნული ნაკრების ვარჯიშებს ის დღეს დაუბრუნდება. იუწყება - Sky Sports.
ხუთშაბათს რეშფორდმა სავარჯიშო დარბაზში ინდივიდუალურად ივარჯიშა, რის შემდეგაც ის დღეს გუნდთან ერთად სრული დატვირთვისთვის მზად არის.
მარკუსმა ტრავმა ერთი კვირის წინ მიიღო, მას შემდეგ ფეხბურთელს, რუსეთში ჩასვლის შემდეგ საუთგეიტის გუნდთან ერთად არ უვარჯიშია რაც ინგლისელებისთვის მცირე მღელვარების მომტანი აღმოჩნდა თუმცა როგორც ჩანს ყველაფერი კარგადაა.
პირველ შეხვედრას "სამი ლომის" წარმომადგენლები ორშაბათს 18 - ივნისს გამართავენ. მოსალოდნელია, რომ "მანჩესტერელი" მატჩში მონაწილეობის მიღებას შეძლებს და ეროვნულ გუნდს წარმატების მიღწევაში დაეხმარება.