ტიმოთი ფოსუ მენსას თქმით სურს, რომ რაც შეიძლება სწრაფად მიაღწიოს მაღალ სათამაშო დონეს, რაც ჰოლანდიის ნაკრების შემადგენლობაში თავის დამკვიდრებაში დაეხმარება.
20 - წლის ფოსუ - მენსამ გასული სეზონი "კრისტალ პალასის" შემადგენლობაში იჯარის წესით გაატარა, ხოლო ამჟამად ის "ოლდ ტრაფორდს" დაუბრუნდა სადაც, მარჯვენა ფლანგზე კონკურენციას ანტონიო ვალენსიასა და კლუბის ახალწვეულ დიოგო დალოს გაუწევს.
"მე არ მსურს სამომავლოდ მესმოდეს, რომ ჯერ კიდევ ახალგაზრდა ვარ და ჩემი დრო ჯერ კიდევ არ დამდგარა. მსურს რაც შეიძლება სწრაფად მივაღწიო უმაღლეს დონეს, ეს არის ჩემი მოწოდება. უმაღლესი დონე არის ჩემთვის მსოფლიო ჩემპიონატი, ევროპის ჩემპიონატი, ჩემპიონთა ლიგის ფინალი.
ჰოლანდიის ეროვნულ ნაკრებში მოხვედრასთან ძალიან ახლოს ვიყავი მაშინ როდესაც, "იუნაიტედის" შემადგენლობაში თამაშის საშუალება მეძლეოდა, ხოლო ამის შემდეგ სათამაშო დრო სულ უფროდაფრო შემცირდა.
17 - აგვისტოდან 18 - მაისამდე "კრისტალ პალასის" შემადგენლობაში არენდის წესით ვირიცხებოდი და ვფიქრობ, რომ ეს კარგი გადაწყვეტილება იყო. ისევ მივიღე შანსი ეროვნულ ნაკრებში მოსახვედრად". - განაცხადა მენსამ ჰოლანდიური რადიოარხ FunX - ისთვის მიცემულ ინტერვიუში.