"მანჩესტერ იუნაიტედის" მთავარმა მწვრთნელმა განაცხადა, რომ მომავალ ორ მატჩში ის ათამაშებს ორი სრულიად განსხვავებული შემადგენლობას.
კვირას "წითელი ეშმაკები" ითამაშებენ "ევერტონის" წინააღმდეგ პრემიერ ლიგის ეგიდით, ხოლო უკვე ოთხშაბათს ფერგიუსონის გუნდი მადრიდში მერვედფინალურ მატჩში დაუპირისპირდება "რეალს".
ცხრილში ახლანდელი მდგომარეობა მწვრთნელს საშუალებას აძლევს გამოიყენოს სხვადასხვა შემადგენლობა ორივე თამაშში, რათა ფეხბურთელები არ გადაიღალონ.
"განსხვავებული შემადგენლობები იქნება. გუნდი, რომელიც ითამაშებს კვირას, განსხვავებული იქნება გუნდისგან, რომელიც ოთხშაბათს გამოვა მოედანზე."
"მე ყველა ფეხბურთელს ვენდობი, რომლებიც ჩემს განკარგულებაში არიან. ყოველი მათგანი თამაშობს თავიანთ ნაკრებში, ისინი კარგი ფეხბურთელები არიან და არანაირი მიზეზი არ მაქვს იმისა, რომ მათ არ ვენდო."
"ყველანი თავისებურად ეხმარებიან გუნდს და ეს ზრდის ჩვენს შანსებს სხვადასხვა ტურნირში წარმარტებით გამოსვლისა" - ციტირებს ფერგიუსონის სიტყვებს Sky Sports.