ინგლისის ნაკრების მესაჭემ გარეტ სოუთგეითმა დაადასტურა რომ მსოფლიო თასის პირველ მატჩში "იუნაიტედის" ფორვარდის მარკუს რეშფორდის თამაში ეჭვქვეშ დგას.
სოუთგეითმა გაამხილა რომ ახალგაზრდა შემტევმა მცირე დარტყმა მიიღო ინგლისელთა ბოლო ვარჯიშზე რუსეთში გაფრენის წინ - იუწყება გამოცემა Independent.
მენეჯერის თქმით, ეს მხოლოდ მცირე დაზიანებაა მაგრამ ყოველი შემთხვევისთვის რეშფორდი ინგლისელთა დღევანდელ ვარჯიშზე უქმად იყო.
ეს ერთადერთი ტრავმაა ნაკრებში რომელიც თითქმის ყველაზე ახალგაზრდულადაა დაკომპლექტებული ჩემპიონატზე საშუალო ასაკით (26). მხოლოდ საფრანგეთი (25.6) და ნიგერია (25.5) უსწრებენ ინგლისს ამ მაჩვენებლით.
გასულ სეზონში მარკუსმა 52 მატჩში 13 გოლი და 9 ასისტი გაახერხა. ამან ადგილი მოუტანა მას სოუთგეითის საბოლოო განაცხადში. ეს მისი პირველი მსოფლიო იქნება.