წარსულში ცნობილმა ჰოლანდიელმა კიპერმა და ლეგენდარულმა კარის დარაჯმა ედვინ ვან დერ საარმა, "იუნაიტედის" ამჟამინდელ მდგომარეობაზე ისაუბრა და დასძინა, რომ კლუბს საჭირო დონეზე ასასვლელად, რამოდენიმე ტრანსფერის განხორციელება ესაჭიროება.
"ვიმედოვნებ, რომ "იუნაიტედი" საჭირო ტემპის დაჭერას აუცილებლად შეძლებს. გასულ სეზონში "ემიუმ" ასპარეზობა ქვეყნის ჩემპიონატში მეორე ადგილზე დაასრულა, ასოციაციის თასის ფინალი კი სამწუხაროდ დათმო.
ამჟამად კლუბს აუცილებლად სჭირდება რამოდენიმე ტრანსფერის განხორციელება იმისთვის, რომ მათ შესაბამის დონეს მიაღწიონ, როგორც ეს "მანჩესტერ სიტიმ" გააკეთა. ამ დროს ფული ყოველთვის თამაშობს დიდ როლს. აღსანიშნავია ისიც, რომ თანდათან უფრო ბევრი კლუბი იღებს დიდ ტრანსფერებში მონაწილეობას". - ციტირებს Goal.com - ვან დერ საარის სიტყვებს.
შეგხსენებთ, ლეგენდარული მეკარე "მანჩესტერ იუნაიტედის ღირსებას 2005 - წლიდან, 2011 - წლამდე იცავდა. ამ ხნის განმავლობაში ედვინმა კლუბის ისტორიაში მნიშვნელოვანი ტიტულების მოპოვება შეძლო და გულშემატკივრებსაც სამუდამოდ დაამახსოვრა თავი დადებითად.