გამოცემა Don Balon-ი იუწყება, რომ ჟოზე მოურინიომ "რეალ სოსიედადს" წინადადება გაუკეთა ოდრიოზოლას თაობაზე. 22 წლის მცველი გრძელი ვადით შეძლებს ანტონიო ვალენსიას ჩანაცვლებას "ოლდ ტრაფორდზე". მაგრამ მადრიდის "რეალს" შეუძლია ყველაფერი ჩაშალოს.
მადრიდელები დიდი ხანია აკვირდებიან ესპანელ მცველს და მისი გადაბირება ამ ზაფხულსვე სურთ. თუმცა ალვაროს ძირითადისთვის დანი კარვახალთან ბრძოლა არც ისე კარგ პერსპექტივად მიაჩნია.
"იუნაიტედში" მას მეტი შანსი აქვს რეგულარურად ითამაშოს სასტარტოში, რაც ბუნებრივია გავლენას იქონიებს ოდრიოზოლას გადაწყვეტილებაზე. ალვარო ახალგაზრდებიდან ძირითად გუნდში 2017-წელს აღზევდა და უკვე 57 შეხვედრის ჩატარება მოასწრო ყველა ტურნირზე.
წინა სეზონში ალვარომ "ლა ლიგაში" 35 მატჩი ჩაატარა და 4 ასისტი მიითვალა. მან დააფიქსირა საშუალოდ 1 ჩაჭრა 43 წუთში. შექმნა 46 საგოლე მომენტი და ყოველ 116 წუთში მხოლოდ 1 ჯარიმას იღებდა. თუ "განსაკუთრებული" მცველს ეძებს რომელსაც შეტევაშიც მშვენივრად შეუძლია თამაში და ამავდროულად დაცვაშიც, მაშინ ის იდეალური შენაძენი იქნება.