ჯერ კიდევ ზამთრის სატრანსფერო ფანჯარაზე ვრცელდებოდა ჭორები იმის შესახებ, რომ "მანჩესტერ იუნაიტედის" არგენტინელ კიპერს სერხიო რომეროს კლუბის გამოცვლა გადაწყვეტილი ჰქონდა.
მიზეზი არასაკმარისი სათამაშო დრო იყო, რომელიც მას "წითელი ეშმაკების" შემადგენლობაში ეძლეოდა, რომეროს კი მსოფლიო ჩემპიონატისთვის სრულყოფილად მომზადების სურვილი ჰქონდა, თუმცა შედეგად მან "ოლდ ტრაფორდი" არ დატოვა.
ამ თემამ აქტუალობა ზაფხულის მიმდინარე სატრანსფერო ფანჯარაზეც ჰპოვა, ჟურნალისტებისთვის მიცემულ ინტერვიუში კი არგენტინელმა საკუთარ მომავალზე ისაუბრა.
"იუნაიტედში" ვრჩები. ჟოზე მოურინიომ ძალისხმევა არ დაიშურა იმისათვის, რომ კლუბში 2020 - წლამდე დავეტოვებინე. "იუნაიტედთან" კონტრაქტი სწორედ ამ დრომდე მაკავშირებს. ჟოზეს იმედებს ვერ გავუცრუებ.
თუ კლუბს ჩემი გაყიდვა ენდომება და შესაბამისი შემოთავაზებაც იქნება ეს ტრანსფერი განხორციელდება, თუმცა არ მგონია, რომ ეს ასე მოხდეს". - განაცხადა რომერომ TyC Sports - ისთვის მიცემულ ინტერვიუში.