მანჩესტერ იუნაიტედის მცველმა, რომელიც ამჟამად არენდითაა ქუინს პარკ რეინჯერსში ისაუბრა ძმასთან განშორებაზე. ძმები მიჩვეული იყვნენ ერთად ყოფნას. ისინი მუდამ ერთად ატარებდნენ დროს, თუმცა ამ სეზონში მათ განშორება მოუწიათ. ფაბიომ გაიხსენა თუ რაზე ესაუბრა ძმას, როცა წასვლა მოუწია:”12 წლის ვიყავით, როცა მივხვდით, რომ ოდესღაც უნდა დავშორებოდით ერთმანეთს. ჩვენ ვეუბნებოდით ერთმანეთს, რომ ეს არ შეიძლებოდა გაგრძელებულიყო სამუდამოდ. დარწმუნებული ვიყავი, რომ ეს მოხდებოდა, თუმცა არ ვიცოდი, როდის. ეს ამ სეზონში მაინც მოხდა!
”ჩვენ ყოველთვის გვიხარია ერთმანეთის წარმატება და განვიხილავთ შემთხვევებს. რაფამ იცოდა, რომ მინდოდა იუნაიტედის დატოვება, რადგან არ მქონდა სათამაშო დრო. ვეძებდი გუნდს, სადაც უფრო მეტი მატჩის ჩატარებას შევძლებდი. მან მხარი დამიჭირა. ის ფიქრობს, რომ ასეთი ნაბიჯი დამეხმარება წარმატების მისაღწევად. აქ მე ყველაფერი მომწონს. მართალია ქუინს პარკის საქმე არ მიდის კარგად, თუმცა მე მაქსიმალურად შევეცდები დავეხმარო ჩემს ამჟამინდელ კლუბს!