"მანჩესტერ იუნაიტედი" მუდმივად უკავშირდება ბელგიის ნაკრებისა და "ტოტენჰემ ჰოტსპურის" მცველის ტობი ალდერვეირელდის შეძენას, თუმცა უახლესი წყაროები "იუნაიტედისთვის" არც თუ ისე დამაიმედებელია.
"ატლეტიკოს" ყოფილი მცველი დღეს ერთ-ერთი საუკეთესო ცენტრალური მცველია "პრემიერ ლიგაში" და "სპურსი" ამ ტრანსფერის განხორციელებით კონკურენტს მნიშვნელოვნად გააძლიერებს. ამიტომ ჩრდილო ლონდონელები ამ გარემოებას ითვალისწინებენ და მცველში საკმაოდ დიდ თანხას ითხოვენ.
გავლენიანი გამოცემა ESPN-ი გვარწმუნებს, რომ "იუნაიტედმა" მართლაც შეიძლება შეათანხმოს ეს ტრანსფერი, თუმცა ლონდონელებისთვის 79.7 მილიონი ევროს გადახდა მოუწევთ.
STATES-ის განცხადებით, "იუნაიტედი" "მამლებს" 50 მილიონ ფუნტს სთავაზობს, იმ იმედით, რომ ამ შეთავაზებას მიიღებენ, რადგან მომავალ ზაფხულს ტობის ღირებულება მხოლოდ 25 მილიონი ფუნტი გახდება.
ექს-"აიაქსელს" გასულ სეზონში მწვავე ტრავმა აწუხებდა და ამის გამო მხოლოდ 20-ჯერ მოხვდა სასტარტოში ყველა გათამაშებაზე.