"იუნაიტედის" ნახევარმცველს მაცდურ წინადადებას სთავაზობენ.
Daily Mail - ის მიერ გავრცელებული ცნობით, ესპანურ კლუბ ბილბაოს "ატლეტიკს", კლუბში ყოფილი ფეხბურთელის ანდერ ერერას დაბრუნება სურს და "იუნაიტედის" ნახევარმცველს მაცდურ წინადადებასაც სთავაზობენ, ესპანელების დაპირებით ერერა ლა ლიგაში გადასვლის შემთხვევაში კლუბის ყველაზე მაღალანაზღაურებადი ფეხბურთელი გახდება.
ლა ლიგის ბინადართ, ერერას გადაბირება მაშინაც სურდათ როდესაც ანდერს "წითელ ეშმაკებთან" კონტრაქტი ამოეწურა, თუმცა ვუდვორდმა ერერას ხელშეკრულებაში არსებული პუნქტი გამოიყენა და ფეხბურთელი ახალი კონტრაქტის გაფორმებამდე კიდევ ერთი წლით დარჩება "ოლდ ტრაფორდზე".
ესპანური AS - კი შემდეგნაირ ინფორმაციას ავრცელებს: "ატლეტიკი" ისევ ინტერესდება ერერას კონტრაქტის გამოსყიდვით, და მას შესანიშნავ წინადადეას შესთავაზებს. კერძოდ, ნახევარმცველი წინადადების დათანხმების შემთხვევაში ესპანურ კლუბში ყველაზე მაღალანაზღაურებადი ფეხბურთელის სტატუსსაც მიირებს რა თქმა უნდა რეგულარულ სათამაშო დროსთან ერთად.
ერერამ ყოფილ კლუბში 3 - წელიწადი დაჰყო, 2014 - წელს კი ინგლისურ გრანდს შეუერთდა. კონტრაქტის პუნქტის ამოქმედებამდე მისი გამოსასყიდი თანხა 33 - მილიონ ევროს შეადგენდა.
გასულ სეზონში ანდერი, მაქსიმალურად ცდილობდა გუნდიის ნახევარდაცვის ხაზში ძირითადი ადგილი მოეპოვებინა, თუმცა ჟოზე მოურინიოს გეგმებში მეტად ფიგურირებდნენ შემდეგი ფეხბურთელები: პოლ პოგბა, ნემანია მატიჩი და სკოტ მაკტომინი.
სავარაუდოდ "მანჩესტერ იუნაიტედის" ხელმძღვანელობა ესპანელების წინადადებას მოისმენს, თუმცა მათ ფეხბურთელს გაშვების დიდი სურვილი არ აქვთ იმისდა გამო, რომ შემცვლელი ნახევარმცველის პოვნა სამომავლოდ პრობლემის მომტანი შესაძლოა აღმოჩნდეს "წითლებისთვის".
გარდა ამისა შესაძლებელია, ესპანური გუნდის ხელმძღვანელობა შემდეგ წელს დაელოდოს, როდესაც ერერას კონტრაქტის ამოწურვის შემდეგ მისი ხილვა საკუთარ კლუბში უფასოდ შეეძლებათ.
წყარო:
manutd.ru