სამეფო კლუბი პორტუგალიელის გაშვებას არ გეგმავს.
ევროპული პრესა აჭრელებულია ცნობებით, რომ თითქოს მადრიდლთა სუპერვარსკვლავ კრიშტიანუ რონალდუს, სამეფო კლუბის შემადგენლობაში თამაში აღარ სურდა და, რომ პორტუგალიელს ზაფხულში კლუბის შეცვლა აუცილებლად მოუწევდა. მისი სახელი ასევე აქტიურად უკავშირდება "მანჩესტერ იუნაიტედს", მეტიც კრიშტიანუს დედამ ჟურნალისტებისთვის მიცემულ ინტერვიუშიც განაცხადა, რომ სურს მის ვაჟმა "იუნაიტედში" კვლავ ითამაშოს.
თუმცა, უახლესი ინფორმაციებით ფლორენტინო პერესსა და ფეხბურთელის აგენტს შორის მოლაპარაკებები წარმატებით მიმდინარეობს. "რეალის" ლიდერი კლუბისგან ახალ გაუმჯობესებულ კონტრაქტს მიიღებს.
ნაკლებად ცნობილი საინფორმაციო წყარო Cadena Cope - ის ცნობით, ესპანური გრანდის ხელმძღვანელობა მზად არის, კრიშტიანუს წლიური ხელფასის სახით 32,5 მილიონი ევრო შესთავაზოს. საბაზისხო ხელფასი 25 - მილიონი ევრო იქნება ხოლო დანარჩენი ნაწილი ბონუსების სახითა და წარმატებული თამაშის ფონზე დაფიქსირდება.
რონალდუ, აქამდე უკმაყოფილებას გამოხატავდა წლიური ანაზღაურების სიმცირის გამო იმიტომ, რომ მის უშუალო კონკურენტებს ნეიმარს "პსჟ" - ში, ხოლო მესის "ბარსელონა" - ში, მასზე ბევრად მეტი ხელფასი აქვთ დანიშნული, პორტუგალიელს მათზე მეტის მიღება სურდა.
წყარო:
euro-football.ru