ბლანის აზრით, "მანჩესტერ იუნაიტედის" ფრანგი ნახევარმცველი პოლ პოგბა, ტექნიკურად უფრო მაღლა დგას ვიდრე "არსენალის" ყოფილი ფრანგი ფეხბურთელი და ლეგენდა პატრიკ ვიეირა.
პოგბა 2016-წელს "იუნაიტედმა" შეიძინა ტურინის "იუვენტუსისგან" 105 მილიონის სანაცვლოდ, თუმცა აღნიშნული თანხა ფრანგმა ბოლომდე აშკარად ვერ გაამართლა. მიუხედავად ამისა, მის შესაძლებლობებში კვლავ დარწმუნებულია საფრანგეთის ეროვნული ნაკრების ყოფილი მწვრთნელი ლორან ბლანი.
"ნუ დავივიწყებთ, რომ ის ახალგაზრდაა, მას კვლავ შეუძლია გაუმჯობესება. ჩემს თაობაში ჩვენ გვყავდა ძალიან შთამბეჭდავი მოთამაშეები, მაგალითად პატრიკ ვიეირა.
"ტექნიკურად ვიეირა მართლაც კარგი იყო, მაგრამ არა ისეთი როგორიც პოგბა, განსაკუთრებით მაშინ, როცა საქმე შეტევაში თამაშს ეხება, თუ ის შეძლებს თავისი ტექნიკის ოპტიმიზაციას, ბევრის გატანას შეძლებს. მას აქვს უპირატესობა სხვა ფიზიკურ მოთამაშეებთან შედარებით, ეს თამაშის ნებისმიერ მომენტში გარდატეხას შეიტანს.
"ვფიქრობ მომავალ წლებში მას ტრავმები აღარ შეაწუხებს, ის იქნება ძალიან მნიშვნელოვანი და საჭირო მოთამაშე საფრანგეთისა და "მანჩესტერული" გიგანტისთვის". - აცხადებს ბლანი FIFA-ს ოფიციალურ გვერდზე.