ინგლისის ყველაზე ტიტულოვან კლუბმა "მანჩესტერ იუნაიტედმა", 2018/19 - წლების სეზონისთვის მზადება გუშინ ოფიციალურად დაიწყო, დაიწყო იმით, რომ ჟოზე მოურინიოს გუნდში ახალი, ბრაზილიელი ნახევარმცველი ფრედერიკო როდრიგესი იგივე ფრედი იასპარეზებს.

ტრანსფერი გუშინ ოფიციალურად დადასტურდა. აღნიშნულის შესახებ, ჟურნალისტებისთვის მიცემულ ინტერვიუში ფრედის თანამემამულემ ლონდონის "ჩელსის" ბრაზილიელმა ვინგერმა, ვილიანმაც ისაუბრა და მის მიმართ საქებარი სიტყვები არ დაიშურა.

"მას ბევრი დადებითი თვისება აქვს, რისი განვითარებაც შეუძლია. ის მსოფლიოს ერთ - ერთ საუკეთესო კლუბში გადავიდა. ვიმედოვნებ, რომ "მანჩესტერ იუნაიტედში" წარმატებას მიაღწევს.

ფრედი ბედნიერია პრემიერ ლიგაში გადასვლით. მქონდა მასთან საუბარი, ის ბედნიერია, თუმცა ახლა ჩვენ ყველამ ერთად მსოფლიო ჩემპიონატზე უნდა ვიფიქროთ და ნაკრების ინტერესები დავიცვათ". - ციტირებს Daily Mail - ვილიანის სიტყვებს


წყარო: euro-football.ru