"წითელი ეშმაკების" ბელგიელი ნახევარმცველი მარუან ფელაინი, კლუბის მხრიდან შემოთავაზებულ კონტრაქტზე ხელს არ აწერს. სავარაუდოდ ფეხბურთელი გუნდს სულ მალე დატოვებს.
თუ პრესა აქამდე, ბელგიელის მომავალს სხვა ქვეყნის კლუბს უკავშირებდა, დღეს გავრცელებული ცნობით შესაძლოა მან კარიერა ისევ პრემიერ ლიგაში გააგრძელოს, ოღონდ არა "იუნაიტედის" მაისურით, არამედ "არსენალის" შემადგენლობაში. "მეთოფეების" ახალდანიშნულ მწვრთნელ უნაი ემერის, მარუანთან მუშაობა სურს.
ტანმაღალი ნახევარმცველი თავისუფალი აგენტის სტატუსს 30 - ივნისიდან მიიღებს. სწორედ ამ რიცხვით თარიღდება, ფეხბურთელის ხელშეკრულების ბოლო დღე, რის შემდეგაც ფელაინი "იუნაიტედის" კუთვნილებაში აღარ იქნება და ნებისმიერი გუნდი, შეძლებს მის გადაბირებას უსსყიდლოდ.
ფეხბურთელის აგენტი მოლაპარაკებებს ლონდონელებთან აწარმოებს. ამის შესახებ საკუთარი ტვიტერის გვერდზე ცნობილ ჟურნალისტმა პატრიკ ჟულარმა დაწერა.