"ევერტონის" წამყვანი ნახევარმცველი შესაძლოა თავის გუნდთან ერთად "ოლდ ტრაფორდზე" გაემგზავროს, მიუხედავად იმისა, რომ მას ბარძაყზე დაზიანება ჰქონდა მიღებული. ფელაინის პრობლემები ბარძაყის არეში გაუჩნდა, ეს ტრავმა მან "ასტონ ვილას" წინააღმდეგ მიიღო, რომელიც ანგარიში 3–3 დასრულდა. ამი მიზეზით ის ვეღარ გაემგზავრა ბელგიაში, რომ თავის ნაკრებს დახმარებოდა, რომელმაც სლოვაკები 2–1 დაამარცხეს.
იყო სერიოზული შეშფოთება იმისა, რომ მარუანი "ოლდ ტრაფორდზე" ვერ დაეხმარებოდა კლუბს, მაგრამ წინა სამატჩო პრეს–კონფერენციაზე, "ევერტონის" მწვრთნელმა დევიდ მოისემ გულშემატკივარი გაახარა და მათ უთხრა, რომ ფელაინი მინდორზე გამოვიდოდა.
"მას ჰქონდა ძალიან ძლიერი შეშუპება, მაგრამ მე ვფიქრობ ის "მანჩესტერთან" მზად იქნება. ჩვენს ხელშია ყველა ის მოთამაშე, რომელმაც "ასტონ ვილას" წინააღმდეგ ითამაშა"
"მარუანი კვლავ კრეფს კარგ ფორმას. ბოლო კვირაში მან რამოდენიმე გოლი გაიტანა და ისეთი მოთამაშე, როგორიც ისაა უბრალოდ ტკბება გრანდებთან თამაშით." – განაცხადა "ევერტონის" მთავარმა მწვრთნელმა ESPN–თან.