უკრაინული "შახტარის" ბრაზილიელი ნახევარმცველი ფრედი "მანჩესტერ იუნაიტედში" გადასვლასთან ძალიან ახლოსაა. როგორც ჩანს უკრაინული მხარე დასთანხმდა ინგლისელების წინადადებას და სულ მალე ბრაზილიელი "წითლების" მაისურს მოირგებს.
ფრედი სამედიცინო შემოწმებისთვის მზად არის და "მანჩესტერშიც" ძალიან მალე გაემგზავრება. UOL - ის მიერ გავრცელებული ცნობით, "მაღაროელებმა" თანხმობა განაცხადეს "წითელი ეშმაკების" მიერ, ფეხბურთელის სანაცვლოდ შეთავაზებულ სატრანსფერო თანხაზე რომელიც 55 - მილიონ ევროს შეადგენს.
აქამდე France Football - იუწყებოდა, რომ "შახტარის" ხელმძღვანელობა 25 - წლის ნახევარმცველს 70 - მილიონ ევროზე ნაკლებად არ დათმობდა, თუმცა როგორც ჩანს მათ მხრიდან კომპრომისი შედგა და "ოლდ ტრაფორდი" სასურველ ფეხბურთელს სულ მალე გაოფიციალურებს.