გრძელდება მოლაპარაკებები უკრაინულ "შახტარსა" და ინგლისურ გრანდ "მანჩესტერ იუნაიტედს" შორის. "წითლებს" უკრაინელების ბრაზილიელი ნახევარმცველი ფრედი სურთ.
France Football - იუწყება, რომ "მაღაროელებმა" 25 - წლის ფეხბურთელის ფასი მნიშვნელოვნად გაზარდეს. მათ ახლა ფრედის სანაცვლოდ "ოლდ ტრაფორდელებისგან" 70 - მილიონი ევროს მიღება სურთ.
განსხვავებული პოზიცია აქვს ვუდვორდს, რომელიც პროგრესულ ბრაზილიელ ფეხბურთელში 60 - მილიონ ევროზე მეტის გადახდას არ გეგმავს.
"მანჩესტერ იუნაიტედის" გარდა, ნახევარმცველით "მანჩესტერ სიტი" და ფრანგული "პარი სენ ჟერმენიც" ინტერესდება. აქამდე გავრცელებული ცნობებით ფრედი "ოლდ ტრაფორდზე" გადასვლასთან ახლოს იყო, თუმცა როგორც ჩანს უკრაინელებს ფეხბურთელის სანაცვლოდ სოლიდური თანხის მიღება სურთ.