სერგეი მილინკოვიჩ - სავიჩის აგენტმა, წარსულში ცნობილმა ფეხბურთელმა მატია კეჟმანმა უარყო ინფორმაცია იმის შესახებ, რომ თითქოს მის კლიენტს მადრიდის "რეალში" სურს თამაში.
"სერგეი ამბობდა, რომ "რეალში" სურს თამაში? ეს ინტერვიუ გაკეთდა მაშინ, როდესაც ის ჯერ კიდევ ბავშვი იყო. დიახ, ის ოცნებობდა მადრიდში თამაშზე, მაგრამ ეს უბრალოდ ახალგაზრდული ამბიციის ნაწილი იყო, რომელზეც ყველა დამწყები ამბიციური ფეხბურთელი აკეთებს აქცენტს".
კითხვაზე, მართალია თუ არა ის ინფორმაცია, რომ მილინკოვიჩის ამჟამინდელი კლუბი "ლაციო" მის ტრანსფერს მხოლოდ 90 - მილიონი ფუნტის სანაცვლოდ დასთანხმდებოდა კეჟმანმა შემდეგნაირად უპსუხა: "შევთანხმდეთ, რომ სავიჩი არის ერთ - ერთი ყველაზე ძვირადღირებული ფეხბურთელი ჩატარებული სეზონის მიხედვით, თუმცა არ მსურს კონკრეტულ ციფრებზე საუბარი. გასაგებია, რომ ფეხბურთელის ფასი ამ ეტაპზე დიდია, თუმცა.." - განაცხადა აგენტმა Tutto Mercato Web - ისთვის მიცემულ ინტერვიუში.
შეგახსენებთ, რომ მილინკოვიჩ - სავიჩის გადაბირებით აქტიურად ინტერესდება "მანჩესტერ იუნაიტედი". პრესის ფურცლების თანახმად "წითელი ეშმაკები მზად არიან ნახევარმცველის სანაცვლოდ კოლოსალური თანხაც გადაიხადონ.