თავის ტვინზე გადატანილი მძიმე ოპერაციის შემდეგ, "იუნაიტედის" ყოფილმა დამრიგებელმა ლეგენდარულმა სერ ალექს ფერგიუსონმა მძიმე სიტუაციასთან გამკლავება შეძლო და ახლა უკვე სარეაბილიტაციო პროცედურებს სახლში განაგრძობს.

The Sun - ის მიერ გავრცელებული ცნობით, ლეგენდარულმა შოტლანდიელმა სპეციალისტმა საავადმყოფო უკვე დატოვა და მკურნალობას ოჯახურ გარემოში განაგრძობს, რაც მის სტაბილურ მდგომარეობაზე მიანიშნებს.

76 - წლის სპეციალისტი დღემდე დიდი გავლენით სარგებლობს "მანჩესტერ იუნაიტედში". შეგახსენებთ, ფერგიუსონმა "წითელი ეშმაკების" თავკაცის პოსტზე 27 - წელიწადი დაჰყო. ის ასევე კლუბის კეთილი ნების ელჩად არის დნიშნული, სადაც ხელფასის სახით სოლიდურ თანხასაც გამოიმუშავებს.

ლეგენდარული ხელმძღვანელი "მანჩესტერს" 1986 - 2013 - წლებში წვრთნიდა. ამ ხნის განმავლობაში კლუბმა უამრავი ტიტულის მოპოვება შეძლო და სერ ალექსიც "იუნაიტედის" ისტორიაში ოქროს ასოებით ჩაეწერა.


წყარო: euro-football.ru