ზაფხულის სატრანსფერო ფანჯარაზე, ინგლისური გრანდის "მანჩესტერ იუნაიტედის" ერთ ერთი მთავარი მიზანი ვინგერის ყიდვა იქნება, რომელიც მარჯვენა ფლანგიდან თამამად შეძლებს შეტევების ორგანიზებას.
სწორედ ასეთ კანდიდატურად სახელდებოდა, ფლორენტინო პერესის უელსელი ფეხბურთელი გარეთ ბეილი. ბეილის მიმართ ინტერესს აქტიურად იჩენდა, "წითელი ეშმაკების" თავკაცი ჟოზე მოურინიო.
Daily Mail - ის მიერ დღეს გავრცელებული ცნობით, 28 - წლის გარემარბი, მადრიდულ გრანდთან თანამშრომლობის გაგრძელებას გეგმავს. თავის მხრივ "სანტიაგო ბერნაბეუს" ხელმძღვანელობა, გარეთს კონტრაქტის ახალ გაუმჯობესებულ ვერსიას შესთავაზებს. მიმდინარე ხელშეკრულებით, ბეილი "რეალში" 2022 წლამდე დარჩება, თუმცა პერესს ხელშეკრულების ვადის გახანგრძლივება სურს.
აქამდე გავრცელებული ცნობებით, ესპანელებმა ბეილს სატრანსფერო ფასი 91 - მილიონი ევროც კი დაადეს, თუმცა პრესის ფურცლები დღეს განსხვვებულ ინფორმაციებს ავრცელებს. გარდა "მანჩესტერ იუნაიტედისა", გარემარბის შეძენით იტალიური "ინტერიც" იყო დაინტერესებული.