"მანჩესტერ იუნაიტედის" იტალიელმა მცველმა მატეო დარმიანმა, შესაძლოა სულ მალე ტურინის "იუვენტუსის" მაისური მოირგოს.
ფეხბურთელის ტრანსფერზე იტალიელებს "წითელ ეშმაკებთან" მოლაპარაკებები დაწყებული აქვთ, მხოლოდ მცირე დეტალები დარჩა შესათანხმებელი.
Sportitalia - ის ცნობით, ამპლუით მარჯვენა მცველმა, ტურინში სამედიცინო შემოწმება შესაძლოა დღეს გაიაროს. ფეხბურთელის სანაცვლოდ "ბებერ ქალბატონს", ჟოზე მოურინიოს გუნდის ხელმძღვანელობისთვის 12 - მილიონი ევროს გადახდა მოუწევს.
მატეო, პორტუგალიელი სპეციალისტის გეგმებში დიდი ხანია აღარ ჯდება. თავად ფეხბურთელს ძირითადში თამაში სურს, სწორედ სათამაშო დროის უქონლობის გამო, დარმიანი მზად არის "მანჩესტერული" კარიერის დასასრულებლად.
გასულ სეზონში იტალიელმა "წითელი ეშმაკების" მაისურით, ყველა ტურნირზე ერთად, მხოლოდ 23 - მატჩი ჩაატარა.