ინგლისის ჩემპიონატის 2017/18 - წლების სეზონის გამარჯვებული პეპ გვარდიოლას "მანჩესტერ სიტი გახდა. "ქალაქელებმა" სარეკორდო 100 - ქულის მოგროვება შეძლეს და უახლოეს მდევარ "მანჩესტერ იუნაიტედს" ტიტულისთვის ბრძოლაში შანსი არ დაუტოვეს.

მოურინიოს შეგირდებმა ჯამში 81 - ქულას მოუყარეს თავი. "წითლებმა" ასევე ყველაზე მეტჯერ შეინახეს მშრალად საკუთარი კარი და ესპანელ კიპერმა დავიდ დე ხეამ, კარიერაში პირველად ოქროს ხელთათმანიც დაისაკუთრა.

"იუნაიტედმა" ჯამში მეტოქის კარი 68 - ჯერ დალაშქრა. გუნდის საუკეთესო ბომბარდირი, ახალწვეული რომელუ ლუკაკუ გახდა, რომელმაც პრემიერ ლიგაში თავი 16 - გოლით და 7 - საგოლე გადაცემით გამოიჩინა.

აღსანიშნავია ის ფაქტი, რომ კლუბის ყოფილ აკადემიელებმა: მარკუს რეშფორდმა, ჯესი ლინგარდმა და პოლ პოგბამ "მანჩესტერის" მიერ პრემიერ ლიგაში გატანილი 68 - გოლიდან, 41 - ში მიიღეს მონაწილეობა.

ვარსკვლავბიჭუნას ანგარიშზე 7 - გოლი და 5 - საგოლე გადაცემა დაფიქსირდა, ჯესი ლინგარდმა საკუთარი აქტივი 8 - გოლით და 5 - საგოლე გადაცემით შეავსო, ხოლო პოლ პოგბამ "იუნაიტედის" გულშემატკივრი 16 ჯერ გაახარა, მაშინ როდესაც 6 - ჯერ თავად დალაშქრა მეტოქის კარი, ხოლო 10 - ჯერ თანაგუნდელებს გაატანინა.


წყარო: sports.ru