"მანჩესტერული" ქარხნის საოცარი პროდუქცია, რომელთაც დიდი კვალი დატოვეს ფეხბურთში: დუნკან ედვარდსი, ჯორჯ ბესტი, ბობი ჩარლტონი, პოლ სქოუზი, რაიან გიგზი და მრავალი სხვა.
მაგრამ "მანჩეტერ იუნაიტედის" ახალგაზრდული გუნდის სისტემა იმაზე უფრო შთამბეჭდავია ვიდრე ეს ფანებს ჰგონიათ.
1937 წლის, 30 ოქტომბრიდან დაწყებული, "მანჩესტერ იუნაიტედის" შემადგენლობაში ხვდება "იუნაიტედის" აკადემიის აღზრდილი მინიმუმ ერთი ფეხბურთელი - საბოლოოდ მივიღეთ ძნელად დასაჯერებელი რიცხვი, მიყოლებით 3623 მატჩი აკადემიის აღზრდილის მონაწილეობით.
დაწყებული ბასბის ბავშვებისგან 1950-იან 1960-იან წლებში, მათ შორის ბესტი, ჩარლტონი, ედვარდსი, როჯერ ბირნი, ნობი სტილსი და დენის ვიოლეტი, სქოუზით, გიგზით და ნევილით დამთავრებული, "იუნაიტედი" ყოველთვის ენდობა თავის აღზრდილ ფეხბურთელს.
სტატისტიკა კიდევ ურფო შთამბეჭდავი იყო 2011 წლამდე, სანამ "იუნაიტედი" ითამაშებდა პირველ მაისს "არსენალის" წინააღმდეგ, საწყის თერთმეტეულში ხვდებოდა მინიმუმ ერთი აკადემიის აღზრდილი ფეხბურთელი - ფანტასტიური სერია, მიყოლებით 3516 მატჩი. რატომღაც ამ დღეს ჯონ ოში ვერ მოხვდა ძირითად შემადგენლობაში.
"მანჩესტერ იუნაიტედი" ჩაატარებს 3624-ე მატჩს "ევერტონის" წინააღმდეგ თავისი აღზრდილის მონაწილეობით.
ეს დაუჯერებელი სტატისტიკა გამოიკვლიეს "იუნაიტედის" აკადემიის ისტორიკოსებმა, ტონი პარკმა და სტივ ჰობინმა, რომელთაც გამოუშვეს ფანტასტიური წიგნი "იუნაიტედის ვაჟები", რომელიც დაწვრილებით ასახავს "იუნაიტედის" პროდუქციის ხაზს.
მათ გამოიკვლიეს, რომ ბოლო თამაში აკადემიის აღზრდილის გარეშე გაიმართა 1937 წლის 30 ოქტომბერს, როდესაც "იუნაიტედმა" 1-0 დაამარცხა "შეფილდ უენსდეი" ოლდ ტრაფორდზე", ძველ მეორე დივიზიონში.
და ეს 76 წელი იყო ძალიან შთამბეჭდავი. 1937 წლიდან მოყოლებული აკადემიის აღზრდილების დიდი დახმარებით მათ მოიგეს 3 ჩემპიონთა ლიგა, 17 პირველი დივიზიონი/პრემიერ ლიგა, 10 FA თასი, 4 ლიგის თასი, ევროპის თასების მფლობელთა თასი, ინტერკონტინენტური თასი და მსოფლიოს საკლუბო ჩემპიონატი.
წყარო: DailyMail.co.uk