პორტუგალიური "პორტუს" მარჯვენა განაპირა მცველმა დიოგო დალომ, შესაძლოა კარიერაში მნიშვნელოვანი ნაბიჯი გადადგას წინ და ინგლისის ყველაზე ტიტულოვან კლუბ "მანჩესტერ იუნაიტედს" შეუერთდეს.
"წითელი ეშმაკების" პორტუგალიელი მენტორი ჟოზე მოურინიო მიიჩნევს, რომ 19 - წლის მარჯვენა მცველს შეუძლია, კონკურენცია გაუწიოს "წითლების" ამჟამინდელ განაპირა მცველ ეკვადორელ ანტონიო ვალენსიას, რომელიც უკვე ასაკშია შესული და როტაციას აუცილებლად საჭიროებს.
The Telegraph - ის ცნობით, ფეხბურთელის სატრანსფერო ღირებულება 20 მილიონ ევროს შეადგენს. სწორედ ამ ოდენობის თანხის გადახდა მოუწევთ დიოგოს შეძენის შემთხვევაში "ოლდ ტრაფორდელებს".
პორტუგალიის ეროვნულ ჩემპიონატში ჩატარებული შეხვედრებიდან, დალოს ანგარიშზე 2 საგოლე გადაცემა ირიცხება.