მოსალოდნელია, რომ "მანჩესტერ იუნაიტედს" ახალი სათადარიგო კიპერი ეყოლება და ის ჯო ჰარტი გახდება.

"იუნაიტედი" ამჟამინდელი მეორე მეკარის, სერხიო რომეროს შენარჩუნებით რისკავს, "მანჩესტერ სიტის" ყოფილი მეკარის ღირებულება და მოთხოვნილებები კი აკმაყოფილებს კრიტერიუმებს, რომელიც დავიდ დე ხეას სათადარიგო მეკარეს უნდა ჰქონდეს.

31 წლის ჰარტმა "სიტის" მწვრთნელის, პეპ გვარდიოლას სიმპატია ვერ დაიმსახურა და იჯარის წესით ორჯერ განათხოვრება "ტორინოსა" და "ვესტ ჰემში" ვერ დაეხმარა იმის დამტკიცებაში, რომ საუკეთესო დღეები ჯერ კიდევ წინ არის.

გასულ სეზონში "ჩაქუჩების" რიგებში ჩატარებულმა ცუდმა თამაშებმა მას მსოფლიო ჩემპიონატის საგზური დააკარგვინა. სწორედ ამიტომ ეძებს ახალ გამოწვევებს, რათა თავისი ადგილი დაიბრუნოს. რომერო კი ამ დროს "ოლდ ტრაფორდის" დატოვებას აპირებს.

არგენტინელი მეკარე რამდენიმე სათასო მატჩს ატარებდა, მაგრამ წასვლა მაშინ გადაწყვიტა, როცა მოურინიო ინგლისის თასის ფინალსა და ნახევარფინალში დე ხეას დაყენება ამჯობინა.

ამის შემდეგ კი მოხდა უფრო დიდი იმედგაცრუება, რამაც 31 წლის რომეროს კიდევ ერთხელ შეუშალა ხელი საკუთარი შესაძლებლობების წარმოჩენაში - მსოფლიო ჩემპიონატისთვის მზადების პროცესში მან ტრავმა მიიღო და არსებობს საფრთხე, რომ ტურნირს დააკლდეს.

რაც არ უნდა მოხდეს მუნდიალზე, რომეროს მტკიცედ აქვს "იუნაიტედის" დატოვება გადაწყვეტილი, რაც მოურინიოს შემცვლელის პოვნას აიძულებს.

სავარაუდო მომსვლელთა შორის არიან "სელტიკისა" და შოტლანდიის ნაკრების 35 წლის მეკარე კრეიგ გორდონი და "ვესტ ბრომის" კარის დარაჯი ბენ ფოსტერი, რომელიც "იუნაიტედში" მანამდეც თამაშობდა.

წყარო: the sun