CalcioMercato ირწმუნება, რომ "იუვენტუსის" თავდამსხმელ მარიო მანჯუკიჩს პრემიერ ლიგაში თამაში სურს, მაგრამ მასიმილიანო ალეგრი მის შენარჩუნებას აპირებს.

მანჯუკიჩს გარდამავალი წარმატება ჰქონდა 2015 წელს მადრიდის "ატლეტიკოდან" "იუვენტუსში" გადასვლის შემდეგ. აწ უკვე დასრულებულ სეზონში კი ხორვატმა სერია A-ში ჩატარებულ 32 მატჩში მარცხენა ფლანგზე მოქმედების შედეგად გაიტანა 5 გოლი და გააკეთა სამი საგოლე გადაცემა.

CalcioMercato-ს ჟურნალისტი ფაბრიციო რომანო კი ამტკიცებს, რომ ალეგრი მომდევნო სეზონში მარიოსთვის უფრო მნიშვნელოვანი როლის მინიჭებას აპირებს და ამ პირობით ფეხბურთელის შენარჩუნებას ეცდება.

ალეგრი მანჯუკიჩს უფრო მეტ სათამაშო დროს დაჰპირდა მომდევნო სეზონში ცენტრალური ფორვარდის პოზიციაზე, მაგრამ ხორვატი კლუბის დატოვებას აპირებს არა ისეთი გამოწვევისთვის, როგორიც სხვისთვის ჩინურ კლუბში გადასვლა იქნებოდა, არამედ ისეთისთვის, როგორიც პრემიერ ლიგაა.

შესაძლოა, მანჯუკიჩმა მალე ითხოვოს ტრანსფერზე დაყენება, მაშინ კი მოურინიო თავის ინტერესს ქმედებაში გარდასახავს და შესაბამისი შეთავაზების შემთხვევაში შეიძენს კიდეც ფეხბურთელს.

წყარო: calciomercato